Tâm nar aơ đŏng, ăp đại biểu Quốc hội tâm nchră ta ntŭk rƀŭn nchră mpeh nău nchrăp Luật pah kan Giao dịch điện tử (rgâl mhe) n’hanh nău nchrăp Luật (rgâl nkra).

Ta năp nĕ, kêng măng nar 10/11, Quốc hội lĕ yơr ti ŭch an Nghị quyết mpeh nău nchrăp hun hao wăng sa- rêh jêng năm 2023. Dŭt nkah ngăn lah nău Quốc hội đă ngăch doh rklaih ăp nău mô tŏng dak si, mô tŏng ndơ dŏng, tâm n’gâng kan dak si. Nkô̆ nău bâh nău mô tŏng dak si, mô tŏng ndơ dŏng tâm dak si geh n’gâng kan dak si nchŏng na nê̆ nkô̆ nău tơm lah yor mô gĭt năp lor. Nĕ lah naư leo ƀư rvăt nglăp mbrơi ê hŏ nsrôih tâm nău nchrăp kan uănh nchră rnoh khlăy dak si dăch đah nău ngăn ta ntŭk tăch rgâl, mbrơi ntoch mbơh nar dăn rvăt dak si...Tĭng ăp đại biểu, ngoăy tâm âk nkô̆ nău jêng tât nău ngăn aơ geh tât trong kan, nău kơl, nău ntrŭnh bâh pháp luật. Yor nĕ, an geh rgâl ngăch nău kơl kan gay ma doh rklaih ăp nău jêr,mô an ntoch jong nău mô tŏng dak si, ndơ dŏng dak si.