Nthoi tay rơh hop tâl 4, ôi 2/11, Quốc hội tâm nchră ta rmôt mpeh Trong nchrăp Luật mât njrăng nău dơi nuĭh dŏng ndơ (rgâl nkra). Nkô̆ nău dơi âk đại biểu uănh khlay tâm nchră, lah mât njrăng nuĭh dŏng ndơ mha êng, lơn lah tăch rgâl ta trong mạng. 

Ăp đại biểu tâm ban ŭch đah nău khlay bah trong an dŏng trong nchrăp Luật đah ăp nkô̆ nkoch tâm siƀŭt mbơh rblang bah Chính phủ, yơn ân njrăng mpeh nău hun hao bah ăp trong tăch rgâl, rvăt dŏng mhe; ân đăp mpăn nău dơi bah nuĭh dŏng ndơ; dŭt njrăng lah rnoh âk tơ̆ nău tih nău dơi nuĭh dŏng ndơ hao ngăch, yơn nkra nău tâm pit mô hŏ geh nău dơi tam ngăn. Ta rmôt tâm nchră, Bộ trưởng Bộ Công thương Nguyễn Hồng Diên- nuĭh măt mpôl nkual ƀon têh Hải Phòng nkoch kloh: mpeh nău mât njrăng nău dơi nuĭh dŏng ndơ mha êng, lơn lah tăch rgâl ta trong mạng, aơ lah nkô̆ nău khlay dơi Bộ n'hanh ăp nhih  pah kan ƀư lôch jêh tâm bah ri aơ. Na nê̆ kơt nău quy định hợp đồng tĭng trong tăch rgâl điện tử, đăp mpăn săk kah nâp uĕh ndơ rnôk tăch rgâl.

Nuĭh rblang: Điểu Thân