VOV4.M’nông – Ôi 27/9, Ủy ban Thường vụ Quốc hội ƀư rƀŭn nchră mbơh ƀư Bôk nău kan groi nđôi bah Quốc hội năm 2023. Rƀŭn nchră uănh lah, tâm rnôk bah năp, nău kan groi nđôi bah Quốc hội lĕ dơi ntop tay n’hanh geh nău rgâl mhe, nar lơ hao prêh tam, săk rnglăy, dơi geh âk nău khlay. Nkô̆ nău groi nđôi dơi Quốc hội săch đah nu nău ngăn hun hao neh dak, rgum tâm ăp nău săch di đah nu nău têh, khlay mô lah nău ji nuih bah nău rêh.

Kruanh Quốc hội Vương Đình Huệ ntoh ngơi n’glôn jêh rƀŭn nchră

N’glôn jêh rƀŭn nchră, Kruanh Quốc hội Vương Đình Huệ đă, ăp ngih pah kan bah Quốc hội, ngih pah kan dơi kan mĭn nău n’hao săk rnglăy groi nđôi du đêt nkô̆ nău khlay, tơm khlay tâm rnôk rgâl mhe nău kan bah Quốc hội tĭng nău mĭn êng, trong hăn bah Đảng mpeh ndâk njêng Ngih dak pháp quyền XHCN bah nuĭh ƀon lan, yor nuĭh ƀon lan, tă bah nuĭh ƀon lan.

VOV.VN/ Nŭih blang: Y Sưng Phê Ja