Nthoi tay rơh hop đah 2 rơh bah bah rơh hop tâl 6, ôi 15/11, Ủy ban Thường vụ Quốc hội an nău rgop mpeh trong nchrăp Nghị quyết groi nđôi way nkô̆ an tĭng ƀư ăp Nghị quyết bah Quốc hội mpeh ăp bôk nău kan gưl neh dak. Nar 10/11/2023, Quốc hội hŏ n’hơr ti  uănh an dŏng Nghị quyết mpeh trong nchrăp ngân sách ngih dak năm 2024, tĭng nê Quốc hội an rgâl tơm prăk sŏk dŏng ngân sách ngih dak tĭng ƀư 03 bôk nău kan  gưl neh dak năm 2023 tât năm 2024.

Lôch jêh groi nđôi an saơ, nău n’gluh tơm prăk mbrơi, geh nklăp 15% (tâm ban 3.800 rmen prăk). Lah mô dơi ntoch jong tơm prăk ƀư năm 2023 jêng năm 2024 mbra jêng tât ntlơi dơm trong nchrăp sŏk dŏng năm 2023 nklăp 16.000 rmen prăk. Lah ta rơh hop, Kruanh Quốc hội Vương Đình Huệ lah rjăp nău ân rgum droh rklaih lĕ rngôch mpeh tơm prăk yơn ân di nău way, der bah tâm chong cheng mpeh pháp luật n’hanh ân ŭanh năl di na nê̆ ăp nău tât ring tam  ngân sách. Tâm ôi ntri 15/11, Ủy ban TVHQH rblang gĭt, rgâl di tay trong nchrăp Luật mpôl râng mât rnă njrăng, đăp mpăn tâm dâng n’hanh an nău rgop mpeh n’hŭch rnoh sŏk soăy kơi ntop n’hao tay./.