VOV4.M’nông – Ôi 25/7, ta Ngih Quốc hội ƀư Rgum nchră sŏk nău rgop Dự thảo Nghị quyết an nău ntrŭnh ơn rƀŭn Quốc hội (nkra rgâl). Ta rgum nchră ăp nuĭh ntoh măt lĕ rgum an rgop ăp nkô̆ naư khlay bah dự thảo Nghị quyết gay rgop ntrôl nău kan bah Quốc hội nar lơ uĕh di lơn, n’hanh n’hao lơn tay uĕh blău săk rnglăy ăp rơh rƀŭn Quốc hội. Âk nău rgop an lah n’hao nău an Nghị quyết jêng an Luật gay đăp mpăn rhăt jăp ƀư tĭng, kơt tâm di tĭng nău blău ơm bah du đêt dak dôl kơt tĭng. Ăp nuĭh ntoh măt rgum an rgop nău mpeh nău ntop tay nău ntrŭnh mô mbơh đah sam ƀŭt, mbơh ta du đêt rơh rƀŭn lĕ rngôch gay ntêm nkrem mông rƀŭn n’hanh Nuĭh ntoh măt Quốc hội geh mong nar ntoh ngơi, tâm nchră; mpeh ntop tay nău ntrŭnh mô an nuĭh ntoh măt Quốc hội mât, dŏng sam ƀŭt mô hŏ jêh uănh năl; Mpeh trong ƀư, sam ƀŭt sam tra uănh tay, ntrŭnh ăp nău khlay mpeh wăng sa-rêh jêng; mpeh tâm rkeh pháp luật đah ăp sam ƀŭt quy phạm pháp luật.

Nŭih blang: Y Sưng Phê Ja