Nar 6/10, ta nkual ƀon têh Buôn Ma Thuột ƀư Hội chợ nău kan n’gor Dak Lak năm 2023 đah nkô̆ “Buăt nthoi nău kan - trong tât geh nău kan- pơk hvi trong rêh let năp tay”. Aơ lah Hội chợ joi nău kan dŭt têh bah ntơm tât aƀaơ buăt nthoi đah Ntŭk rgum mbơh joi nău kan ăp n’gor miền Trung - Tây Nguyên, Đông Nam bộ, Tây Nam bộ.

Hội chợ geh nău tât râng bah 21 đơn vị, doanh nghiệp n’hanh 18 Ntŭk rgum mbơh joi nău kan ăp n’gor, nkual ƀon têh râng sơch lăp nuĭh kan, sơch lăp nuĭh nti đah lĕ rngôch nău ŭch geh 12.000 nuĭh kan. Tâm nê sơch lăp kan tâm n’gor lah 4.600, bah dih n’gor rlău 5.000 nuĭh, sơch nuĭh hăn pah kan ta ăp dak Nhật Bản, Hàn Quốc, Úc, Rumani, Ba Lan rlău 2.000 nuĭh. Hội chợ rơh dja dơi mpŏng mbra buăt nthoi dơi âk doanh nghiệp đah nuĭh kan./.