VOV4.M'nông: Lôch du nar nkoch trêng tĭng rơh rgŏ jă an ƀư Bảo hiểm Xã hội lam ƀon lan, lam dak hŏ geh rlău 22.000 nuĭh râng êng Bảo hiểm Xã hội n'hanh rlău 53.000 nuĭh râng BHYT rnăk wâl. Đah nkô̆ "Bảo hiểm Xã hội- ntŭk nsing bah he n'hanh rnăk wâl", Hăn luh kan năm aơ rgum nkoch trêng jru hvi mpeh nkô̆ khlay, nău rŏng kơl kon nuĭh bah trong kan râng êng Bảo hiểm Xã hội, BHYT rnăk wâl, nău dơi n'hanh nău geh rnôk râng; lah rjăp rnoh ntop kơl prăk dŏng bah ngân sách ngih dak, ngân sách n'gor đah nuĭh râng êng Bảo hiểm Xã hội, BHYT rnăk wâl. Lôch ăp rơh luh hăn kan, nuĭh ƀon lan mbra geh trong tât dơh lơn đah trong kơl, gĭt tay nău lư mhe, ntơm bah nê râng êng Bảo hiểm Xã hội, BHYT rnăk wâl, rgop ƀư lôch jêh ăp tŏng Nghị quyết 28 mpeh rgâl geh trong kơl Bảo hiểm Xã hội./.

Nuĭh rblang: Điểu Thân