VOV4.M’nông: Ôi lơ 8/3, rmôt hăn bah bah Hội đồng Dân tọc bah Quốc hội yor Groi Kruanh Hội đồng Dân tộc Cao Thị Xuân ƀư tơm rmôt kan hŏ geh nar pah kan đah UBND n’gor Dak Lak gay uănh ăp nau tât mpeh nau pă nkuăl rnoi mpôl đê̆ tĭng nau kan hun hao mhe aơ tâm nau ƀư nau kan rnoi mpôl đê̆ tâm n’gor Dak Lak. Tĭng nau ntrŭnh mhe, tâm lvang năm 2021-2025, n’gor Dakl Lak geh 54 xã tâm nkuăl III, 5 xã tâm nkuăl II, 71 xã nkuăl I ndrel 519 thôn jêr ngăn tâm nkuăl rnoi mpôl đê̆ ndrel gôl yôk. Ndri, lam n’gor geh 54 xã mô hôm nkuăl rnoi mpôl đê̆, 4 xã rklaih nau jêr ngăn ndrel 143 thôn, ƀon jêr ngăn mô hôm geh kơp rnoh jêr ngăn.

Ăp nau kan, nau kơl an đah ăp xã, thôb mhe nkra mra mô geh ƀư tay. Tâm nar pah kan, ăp ntoh măt tâm nchră mpeh nau tă dơi geh ƀư tâm nau kơl an nau rêh tâm ăp nkuăl, xã, thôn jêr jŏt rnoi mpôl đê̆ ndrel gôl yôk, lvang năm 2021-2022, nchră tât nau khuch bah nau ntrŭnh mhe rnôk ntrŭnh tâm nkuăl. Tă bah nê, đă Hội đồng Dân tộc đă Quố hội ân ƀư nau ntruh kơl nau kan đah ăp xã, thôn, ƀon rklaih luh bah rnoh jêr jŏt tâm lvang năm 2021-2025 ma nau văng sa rêh jêng hom geh nau jêr, ân lŏ ƀư ăp nau kan gay đăp mpăn nau kơl an tâm nau rêh jêng./.

Nŭih rblang: H’Thi