VOV4.M’nông: Di rnôk tết năm mhe Nhâm Dần 2022, rmôt kan ntoh măt Quốc hội n’gor Dak Lak hŏ tât khâl, pă nklâm ndơ ân ăp nkuăl âk nŭih rnoi mpôl đê̆ geh nau rêh jêr jŏt tâm n’gor. Rmôt kan hŏ tât ôp khâl, rhơn tết ndrel pă nklâm ndơ ân Đảng uỷ, UBND, HĐND, uỷ ban MTTQ Việt Nam ndrel ăp rnăk vâl geh nau rêh jêr jŏt, rnăk vâl dơi geh kơl an bah ăp xã: Yang Tao, Bông Krang (nkuăl Lăk); Ea Ning, Ea Tiêu (nkuăl Cư Kuin).

Rnôk aơ, rmôt kan ntoh măt Quốc hội n’gor Dak Lak hŏ pă ân Đảng uỷ, UBND, HĐND, Uỷ ban MTTQ Việt Nam du xã du nklâm ndơ geh 2 rkeh prăk mẳ, du nklâm ndơ rnoh prăk 500 rbăn ndrel 1000 mlâm bok put mbing dak si, pă 20 nklâm ndơ/xã ân ăp rnăk geh dơi kơl, rnăk mâp nau jêr (du nklâm ndơ geh 200 rbăn prăk măt ndrel ndơ ngêt sa êng êng rnoh 300 rbăn)./.

Nŭih rblang: H’Thi