VOV4.M’nông: Lơ 18/3, Rnâng kan rđau bôk nau kan Trung ương mpeh nau kan tĭng chroh pah kan đah rnâng kan Thành uỷ Đà Nẵng mpeh nau kan tĭng chroh. Tĭng nau mbơh, ăp năm rlau aơ, ăp nŭih tĭng chroh, nŭih tĭng chroh tâm nkuăl ƀon têh Đà Nẵng hŏ hăn nsum, kơl an nau ƀư ăp nau ntrŭnh, nau kơl an hun hao văng sa, rêh jêng tâm nkuăl ƀon têh, ƀư ueh ăp nau kan “Rêh ueh, chroh ueh”.

Ngăn lah, ăp nŭih ƀư nau kan tĭng chroh, nŭih tĭng chroh nsôih râng nau kan njrăng, rdâng srê Covid-19, kơl an ma rhiăng rkeh prăk ân tơm prăk rvăt vắc xin, njrăng rdâng srê Covid-19, kơl an âk ndơ dŏng, nau kan dak si geh rnoh khlay, âk tấn ndơ ngêt sa ân rmôt mât njrăng rsê npôk năp njrăng rdâng. Ăp nŭih kan, mpôl chroh ƀư ueh nau kơl an tâm nau rêh, kơt: kơl an nkra ngih, ndâk ngih mhe ân nŭih ach o, pă âk rbăn nklâm ndơ kơl an ăp rnăk vâl geh nau rêh jêr jŏt, ƀư ueh nau mât đăp mpăn rnă njrăng, đăp mpăn gung trong hăn./.

Nŭih rblang: H’Thi