VOV4.M’nông – Mbah rhơn Đại hội đại biểu Bu ur lam dak rơh tal 13, nkah gĭt 112 năm Nar Quốc tế Bu ur 8/3, nar 3/3, lĕ ƀư bôk nău kan rnê rhơn Bu ur Tahen ntoh lư. Mât nâp n’hanh ƀư uĕh nău way ơm bah bu ur Việt Nam Anh Janh dăng, lvang 2012-2022, bu ur Tahen mô rlu nsrôih nti, ren, nsrôih hao. Ntoh ngơi ta bôk nău kan, Đại tướng Lương Cường, Ủy viên Bộ Chính trị, Chủ nhiệm Tổng cục Chính trị Tahen ƀon lan Việt Nam mbah rhơn 378 bu ur tahen ntoh lư dơi rnê rhơn n’hanh chop khâl tât rlău 93 rbăn bu ur dôl pah kan, nti nsơm tâm lam tahen.

Đaị tươngs Lương Cường an bằng khen an bu urr tahen ntoh lư.

Bu ur Tahen geh măt ta ăp ntŭk kan, ta lam nkual neh dak, tâm nĕ geh âk nău kan têh kơt râng rmôt mât đăp mpăn bah liên hợp quốc, tiăr nti n’hanh nchrăp hăn tâm lơh, nkra njêng ndrăk nsiu... lơ gŭ ăp ntŭk jêr jŏt, lơ geh âk nău nsơr an, nsơr soan bah bu ur tahen.

Nŭih blang: Y Sưng Phê Ja