VOV4.M'nông: Tâm 2 nar 27 n'hanh 28/4, ta nkual ƀon têh Đà Nẵng, Uỷ ban Pháp luật bah Quốc hội khoá XV ƀư rơh hop rgum lam lĕ rngôch tâl 6 ôp uănh di tay ăp trong nchrăp kan luật tĭng ƀư geh nău tâm ban tâm dâng, trong nchrăp luật Thanh tra (rgâl nkra) n'hanh si ƀŭt mbơh rblang bah Chính phủ mpeh nău njêng thị trấn Phương Sơn (nkuâl Lục Nam) n'hanh thị trấn Bắc Lý (nkuâl Hiệp Hoà), n'gor Bắc Giang. Ta rơh hop, Rnâng kan Uỷ ban Pháp luật ŭch nău khlay an dŏng Luật tĭng ƀư geh nău tâm ban tâm dâng. Lôch nê, ngăch ƀư jêng ngăn ngăn trong nchrăp rgum lam hvi geh tâm ban xã hội chủ nghĩa đah trong rƀŏng "Ƀon lan gĭt, ƀon lan nchră, ƀon lan ƀư, ƀon lan hăn ôp uănh, ƀon lan tĭng groi nđôi, ƀon lan dŏng geh". Mpeh si ƀŭt trong nchrăp luật, Rnâng kan Uỷ ban Pháp luật dăn đă Chính phủ gŭ mĭn tay gay kơi ntop mbơh mô lah nchrăp mbơh rblang gĭt na nê̆ tâm di lơn mpeh nău mbơh n'glôch jêh tĭng dŏng luật./.

Nuĭh rblang: Điểu Thân