VOV4.M'nông: Ôi 6/3, Lah ta rơh ntơm ôp, Kruanh Quốc hội Vương Đình Huệ lah rjăp, rơh ôp lah jâng ntơm khlay gay cử tri n'hanh nuĭh ƀon lan geh nău nsing nơm nău rgâl mhe dăng nău kan groi nđôi bah Quốc hội n'hanh geh ăp nău tă ơm gĭt kan nâp gay ƀư tay ăp rơh ôp ta ăp rơh hop bah kơi tay. Kruanh Quốc hội Vương Đình Huệ an gĭt, gay nchrăp an rơh ôp dja, ta năp nău tât krit nji bah nuh srê COVID-19 yơn đah nuih n'hâm dơn kan, nău nsrôih âk, ăp nhih pah kan bah Quốc hội n'hanh ăp nhih pah kan geh tât hŏ kan nsum lhăt, khoa học, nsrôih nchrăp dŭt uĕh mpeh ăp ndơ ƀư tâm ban kơt nkô̆ rơh hop đŏng. Kruanh Quốc hội dăn đă, ăp nuĭh kan tâm Chính phủ dơi jă râng hop ân tâm pă mông nar, dăp rgum nău kan, đăp mpăn ăp tŏng rơh ôp, rgum djăt, rblang tâm di ăp nkô̆ nău ma đại biểu Quốc hội, cử tri n'hanh ƀon lan uănh khlay. Tâm rnôk ơh nău ôp, Groi Thủ tướng mât ŭanh trong kan n'hanh du đêt bộ trưởng, kruanh n'gâng kan geh tât mbra râng mbơh rblang./.

Nuĭh rblang: Điểu Thân