VOV4.M'nông: Măng aơ (nar 28/4), Trung ương Hội Chữ thập đỏ Việt Nam kan nsum đah UBND n'gor Thừa Thiên Huế mbra ƀư Rơh rgŏ jă Khay kơl nuĭh năm 2022 đah nkô̆ "Krêp dêh nsum mpôl- ring lam nău kan kơl nuĭh” n'hanh nkah ndray Nar Chữ thập đỏ n'hanh Trăng lưỡi liềm đỏ quốc tế (8/5). Rơh rgŏ jă Khay kơl nuĭh năm 2022 an ƀư tâm khay 5, đah ăp nău kan ntop kơl nuĭh ƀon lan jêr jŏt ntơm bah nar 8/5 tât nar 19/5. Ta Rơh rgŏ jă Khay kơl nuĭh năm 2022, Hội Chữ thập đỏ Việt Nam ntơm ƀư bar Bôk nău kan rgum tơm an ƀư tâm 5 năm tât, nê lah: Bôk nău kan" "Đăp mpăn an nuĭh ƀon lan lơh joi ka ach o, jêr jŏt” n'hanh "Ndơ sa kah an kon se ach o, quet nte" tâm lam trong kan Hội. Bôk nău kan mbra pă an rơh bôk năp 14 n'gor, nkual ƀon têh miền Trung; ƀư Chợ Kơl nuĭh an nuĭh geh nău rêh jêr jŏt geh tât khuch bah trôk nar, nuh srê lơh./.

Nuĭh rblang: Điểu Thân