Măng 14/10, ta ngih mprơ têh Hà Nội hŏ geh “Nau ryơk 100 nŭih ƀon lan kan lŏ mir Việt Nam geh nau blau năm 2023; Rnê 63 ntŭk ƀư nau kan tâm boh ntoh lư. Aơ lah năm tal 2 mro Trung ương rmôt nŭih ƀon lan kan lŏ mir Việt Nam ƀư săch gay ma rnê 63 ntŭk kan tâm boh nau kan ntoh lư tâm lam dak. Tât râng ndrel ntoh nau tâm nar rnê nkhôm, uỷ viên Bộ chính trị.

 Groi Kruanh Quốc hội Trần Thanh Mẫn đă, rmôt nŭih ƀon lan kan lŏ mir lŏ ntrŭt dăng nau mbơh, nkoch trêng, trêng jru tât ăp cán bộ, nŭih kan, ƀon lan, ntŭk tâm boh nau kan tuch tăm mpeh nau ntrŭnh, Nau đă bah Đảng, nau ntrŭnh, pháp luật bah Ngih dak, ngăn lah mpeh nau kan tuch tăm, nŭih ƀon lan kan lŏ mir, geh tât nau dơi, nau kan bah ƀon lan. Rêng ƀư rjăp nŭih ƀư nau kan ueh, gay ăp rnăk ƀư nau kan tăch rgâl jăp blau, tâm boh nau kan tuch tăm jêng nau geh dơi ngăn tơm ƀư râng hun hao văng sa-rêh jêng tâm ăp nkuăl ƀon lan gŭ tâm lam dak./.