Ngih sam ƀŭt Tiểu học nkuăl têh Khe Tre Nằm ta nklang nkuăl Nam Đông, bah năp ngih sam ƀŭt geh trong tỉnh lộ 14C hăn rlău, rnoh âk ndeh hăn trong ăp nar dŭt âk. Tâm mông kon hŏk sĭt nti geh âk nău klach geh rmanh ndeh. Nău dôl lah, âk me bơ̆ hăn wơt kon mô ndô môp n’gang bôk, rdêng 2, rdêng 3, đê̆ đŏng rdêng 4 jêng rup ndah mô uĕh đah kon hŏk, khuch tât trong kan ntĭm nti tĭng pháp luật lah nsum n’hanh luật ntung trong lah êng bah ngih sam ƀŭt tât ăp oh. Kơp bah rnôk mbơh ƀư ntrong kan “Mpông pêr ngih sam ƀŭt đăp mpăn”, ntơm bah bôk năm nti mhe, ngih sam ƀŭt jao an nai chủ nhiệm ăp jrô ntơm mbơh ký ton đăp mpăn ntung trong tât lĕ rngôch me bơ̆ kon hŏk n’hanh dơi 100% me bơ̆ tĭng kơt n’hanh ƀư tĭng. Ngih sam ƀŭt ƀa ƀơ tâm rgop đah Đội Cảnh sát ntung trong-Công an nkuăl Nam Đông gay nkoch trêng mpeh đăp mpăn ntung trong an kon se. Oh Nguyễn An, kon hŏk jrô 4/5 ngih sam ƀŭt Tiểu học nkuăl têh Khe Tre, nkuăl Nam Đông, n’gor Thừa Thiên Huế an gĭt:

Rnôk ma he râng hăn ntung trong he mô dơi ncho ndeh dăp 3, dăp 4 ntrong, rdêng âk nuĭh n’hanh nchoăt ngăch blăch blêr.

Dơi an saơ, aƀaơ rnoh kon hŏk dŏng ndeh măy điện, ndeh wah jâng điện rnôk tât ngih sam ƀŭt nar lơ âk. Công an nkuăl Nam Đông, n’gor Thừa Thiên Huế an gĭt, năm bah năp rnôk uănh nđôi lĕ saơ n’hanh rmal âk nuĭh druh ndăm rchong tih đăp mpăn ntung trong. Gay n’hŭch nău aơ, bah meng nău nsrôih lăp bah ăp ngih pah kan dơi kan tâm nău nkoch trêng rgŏ jă ri an geh nău tâm rgop mbơh tâm rgop rjăp đah ngih sam ƀŭt, rnăk wâl n’hanh kon nuĭh. Tâm nĕ, nău wât bah ăp oh n’hanh nău tơm bah rnăk wâl lah dŭt n’hâm khlay. Oh Cao Ngọc Phương Dung, kon hŏk jrô 12B2 ngih sam ƀŭt THPT Nam Đông an gĭt:

Tĭng oh, gay hăn đăp mpăn ntung trong ri he an ndô môp n’gang bôk di nău ntrŭnh. Rnôk hăn ri mô dăp ntrong, mô rdêng nuĭh rlău nău ntrŭnh, mô rlău ŭnh chăng, mô hăn rlơ̆ trong n’hanh hăn ngăch.

Gay đăp mpăn, n’hŭch đêt ngăn nău geh prah tâm tom ndeh ta nkuăl nkual yôk Nam Đông ri nău n’hao gĭt wât, gĭt tĭng jăp bah ăp oh kon hŏk lah nkô̆ nău dŭt khlay. Nău kan Công an nkuăl Nam Đông lĕ tâm rgop đah nău kan ntĭm nti rgum ntrôl dăng trong kan nkoch trêng, mbơh tơih ntĭm nti luật ntung trong ndeh, ntĭm nti văn hóa blău hăn trong ta 17 ngih sam ƀŭt THCS, THPT ta nkuăl đah bơi 5 rbăn 700 nai, kon hok hăn trong. Nkre ƀư ký ton tĭng jăp hăn trong ndeh đah ngih sam ƀŭt n’hanh rnăk wâl n’hanh kon hŏk đah rnoh hăn trong geh 100%. Rlău ma nĕ, nău kan ndâk njêng ăp rmôt đăp mpăn gay tâm di đăp mpăn ntung trong ta ăp mpông pêr ngih sam ƀŭt tâm mông sĭt nti, đăp mpăn tŏng ăp, soih aih; pơk hvi săk rnglăy ntrong kan “mpông pêr đăp mpăn gung trong” ta 30 ntŭk ngih sam ƀŭt.

Trung tá Nguyễn Tiến Dũng, Đội trưởng đội ndâk njêng ntrong leo mât njrăng đăp mpăn mât uănh êng nkuăl Nam Đông an gĭt, glêh, dơh nkah gĭt, dơh wât lơn lah geh nău tâm ôp tâm nchră đah nuĭh nkoch trêng đah ăp oh kon hŏk. Du gưl nti geh du trong nkoch tâm di lah trong ƀư mhe n’hanh nta an uĕh lăp rgum nău uănh bah ăp oh kon hŏk tâm rnoh ăp nar nkoch trêng ntĭm nti nău wât n’hanh nău blău hăn gung trong đăp mpăn, rgŏ jă kon hŏk tĭng jăp ăp nău way ntung trong:

Rmôt nkoch trêng pháp luật bah Công an nkuăl lĕ hăn tât ăp ngih sam ƀŭt. Aơ lah ăp ngih sam ƀŭt geh 17 ntŭk ngih sam ƀŭt THCS, THPT n’hanh tiểu học gay mbơh tơih, nkoch trêng mât uănh mpeh luật ntung trong ndeh, nău blău hăn trong đăp mpăn. Mpeh luật njrăng n’gang tâm lơh kon hŏk ta ngih sam ƀŭt kơt njrăng n’gang nău khuch ma túy tât nuih nai cô ndrel ăp oh kon hŏk kơt me bơ̆ ndrel n’hanh ndrel ƀư tĭng rjăp.

Năm tât, Đội Cảnh sát ntung trong, Công an nkuăl Nam Đông, n’gor Thừa Thiên Huế tâm rgop tay đah ăp ngih sam ƀŭt ta ntŭk ntrôl dăng trong kan nkoch trêng, ntĭm nti mpeh đăp mpăn ntung trong an kon hŏk, tă bah nĕ kơl ăp oh wât kloh nău tơm, lĕ đah nău kan bah nơm rnôk hăn trong; n’hao nău wât tĭng rjăp Luật ntung trong ndeh gay đăp mpăn nău rêh an săk nơm n’hanh ăp nuĭh.