VOV4.M'nông: Kêng măng 16/2, ta Hà Nội ƀư Rgum nchră pơk sŏng dăng an ƀư nghị quyết mbrô 11 bah Chính phủ mpeh Bôk nău kan dâk hao tay n'hanh sĭt jêng wăng sa - rêh jêng kon nuĭh n'hanh an ƀư Nghị quyết mbrô 43 bah Quốc hội mpeh trong kơl năm dŏng prăk kaih ntop kơl Bôk nău kan.

Râng n'hanh lah ta rơh tâm nchră, Groi thủ tướng Lê Minh Khái an lah, gay an ƀư ăp trong kơl an manh deh prăk kon đêt năn ngăch, di nuĭh gay ntop kơl nuĭh ach o n'hanh ăp nuĭh dơi kơl êng ƀa ƀă rlău jêr jŏt tă bah nuh srê Covid-19, rgop sĭt jêng n'hanh dâk hao way wăng sa- rêh jêng kon nuĭh tĭng Nghị quyết mbrô 11, ân n'hao dăng dơn kan lơn đŏng gay tĭng ƀư jăp bôk nău kan dja, ân geh tâm rgop kan nsum lhăt, jôn rbăn đah ăp n'gâng kan, ăp n'gor gay geh nău tam âk. Groi thủ tướng lah kloh: rnôk geh trong kan n'hanh tơm prăk ri ân rgum ƀư an manh đăp mpăn năn ngăch, geh nău tam, di nuĭh dơi ntop kơl, mbơh gĭt kloh rvah./.  

Nuĭh rblang: Điểu Thân