VOV4.M’nông: Ôi lơ 31/3, Báo tahen ƀon lan ƀư tâm nchră “Mpoh ueh lơn nau ntoh ang tahen Wa Hồ”. Ta nar tâm nchră, ăp ntoh măt ngăn ngên saơ nau khlay bah nau ntrŭnh 847, tâm nê uănh kloh 5 nau kan bah bah nau ueh tahen Wa Hồ. Nau ueh bôk năp geh nkhah tât lah “Dŭt n’hâm tĭng nau kan bah neh dak, Đảng, Ngih dak ndrel ƀon lan. Ƀư rjăp nau mĭn chủ nghĩa Mác Lênin, nau mĭn Hồ Chí Minh, nkô̆ nau đăp mpăn rnoi mpôl ndrel Chủ nghĩa xã hội. Geh nau nsôih tâm lơh prêh, ndơn nau khĭt ôm, rlet rlau nau jêr, nau khuch, mra ndơn ndrel ƀư jêh ăp nau kan geh jao”. Ăp nau răk mbơh lah rjăp: nau ueh ang bah Tahen, nau ueh ang prêh bah “Tahen Wa Hồ” mro geh mât nâp, nsôih lơh, njrăng rdâng, ntrŭt dăng nau ƀư êng, ăp nau tih sa khâm, ăp nau kan ƀư ân kloh ntŭk kan, geh Đảng, Ngih dak, ƀon lan rnơm, ŭch rŏng./.

Nŭih rblang: H’Thi