VOV4.M'nông: Nar 4/4, ta nkual ƀon têh Cần Thơ, Ƀan pah kan đại biểu hŏ ƀư tâm nchră "nău blău groi nđôi an nuĭh ntơh măt ƀon lan sơch kan" an ăp Đại biểu Quốc hội khóa XV, ntơh măt Rnâng kan HĐND, nuĭh mbơh nău, nuĭh kơl kan, công chức du đêt Văn phòng Mpôl Đại biểu Quốc hội n'hanh Hội đồng Nhân dân ăp n'gor, nkual ƀon têh mpeh bah dâng. Wa Trần Thanh Mẫn, Groi kruanh Rnâng kan Quốc hội râng n'hanh rđău đă tâm nchră. Tâm nchră gay pă an nuĭh ntơh măt gĭt blău lĕ mpeh groi nđôi, ăp nău blău khlay an nău kan groi nđôi kơt: nău blău rblang gĭt nău lư, nău blău ôp nău, nău blău groi nđôi way nkô̆, nău blău nsŏng kơl tâm nău kan groi nđôi an rmôt kơl kan tâm nhih pah kan ƀon lan sơch kan. Tâm nchră rơh dja dơi tâm pă 2 jrô du tơ̆ an ăp đại biểu Quốc hội n'hanh đại biểu Rnâng kan Hội đồng Nhân dân. Tât aƀaơ, Ƀan pah kan đại biểu hŏ ƀư 4 Tâm nchră kơi năp nti an đại biểu Quốc hội n'hanh đại biểu Hội đồng nhân dân ta ăp n'gor Hà Nội, Huế n'hanh Tuyên Quang.

Nuĭh rblang: Điểu Thân