Nar 22/9, ta nkual ƀon têh Đà Lạt, Viện gŭ mĭn njêng  pháp luật (mpeh Ủy ban thường vụ Quốc hội) kan nsum đah Mpôl đại biểu Quốc hội n’gor Lâm Đồng ƀư tâm nchră dak bah dih “Nău tă ơm gĭt kan dak bah dih mpeh prăk kaih n’hanh dăp rgum neh ntu”.

Tâm nchră rong âk mông djăt ăp nuĭh khoa học, nuĭh rnâng kan gưl têh mpeh rêh jêng kon nuĭh, mât dŏng neh ntu bah Ngân hàng lam ntŭr neh n’hanh tâm dak nkoch rblang, tâm pă ăp nkô̆ nău khlay geh tât trong kơl prăk kaih, dăp rgum neh ntu. Tâm nê, lơn âk nkô̆ nkoch tât trong uănh jong ngai bah Việt Nam rƀŏng tât lam lam rêng gĭt lư mpeh neh ntu neh dak n’hanh têh blău mhe ntrŏng năl rnoh khlay neh ntu; nău tă ơm gĭt kan ta du đêt dak mpeh sŏk mplơ̆ neh ntu; trong ƀư ntrŏng năl rnoh khlay neh ta nâm nău tă ơm gĭt kan dak bah dih n’hanh ngăn ngăn, dăn đă đah Việt Nam mpeh nkô̆ nău ntrŏng năl rnoh khlay neh, trok tâm rnôk sŏk mplơ̆ neh, ntop kơl n’hanh ntrơn ntŭk gŭ mhe; du đêt nău dăn đă đah Luật neh ntu rgâl nkra v.v...