VOV4.M’nông – Ôi 25/7, ta nkual ƀon têh Kon Tum ƀư bôk nău kan tâm nchră sŏng dăng đah Hội đồng kon se đah Rnâng kan Hội đồng Nhân dân n’gor Kon Tum rơh tal II năm 2022. Aơ lah nău khlay gay kon se bah n’gor dơi nkoch nău ŭch n’hanh di an Rnâng kan HĐND n’gor kơt ăp gưl n’gâng kan dơi uănh mĭn, mât uănhg, djăt nău ngơi bah kon se.

Wa Nghe Minh Hồng, Groi Kruanh HĐND n’gor Kon Tum ơh du đêt nău ma ăp oh kon se uănh tât.

Ta bôk nău tâm nchră, 55 oh kon se lah phung tâm Hội đồng kon se n’gor n’hanh nkuăl lĕ njuăl tât Rnâng kan HĐND n’gor Kon Tum 19 nău ôp đah âk nău ma ăp oh uănh tât, kơt dŏng mạng internet du trong đăp mpăn; nău grŭt mpet kon se; mpŏng dơi năp nău blău rêh; ntuh kơl năp rwăt ndơ ntĭm nti, nti nsơm ta ăp ngih sam ƀŭt n’hao nău wât bah me bơ̆ tâm nău ryơk nău dơi êng bah kon se... Rnâng kan HĐND, UBND n’gor Kon Tum, ntoh măt ăp n’gâng kan nău kan lĕ djăt, ơh nău ôp, nkre rblang, ntĭm năp tay an ăp oh nău wât nău kan bah nơm uănh n’hanh nău blău mkra nu nău tâm nău rêh ăp nar.

Nŭih blang: Y Sưng Phê Ja