VOV4.M'nông: Phŭt mbrô 4 hŏ ƀư an lam trong rse điện ta n'gor Quảng Nam geh khuch khat hô, roh điện lam hvi. Lôch geh nău rđău đă bah Tổng Công ty Điện lực miền Trung, Công ty điện lực Dak Nông hŏ njêng 2 rmôt hăn ntop kơl n'gor Quảng Nam rdâk tay trong rse điện.

PC Dak Nông ndâk nkra tay jrŏng điện ta Núi Thành-Quảng Nam

Tĭng nê, bar pe jât cán bộ công nhân ndrel ăp tŏng ndơ dŏng nkra, ndeh rklư, ntrŭp rgâl, pah kan ndrăp lor… hŏ hăn tât nkuâl Núi Thành, n'gor Quảng Nam nkra bah khuch khat phŭt lơh.

PC Dak Nông ndâk nkra tay jrŏng điện ta Núi Thành-Quảng Nam

Ta ntŭk tât nkra, lĕ rngôch ăp n'gâng trong rse điện hŏ geh phŭt lơh chôt, âk n'gâng pă gâl, rse tăch, ngâm tâm dak... ăp công nhân hŏ ndăn ŭanh neh ntu, nchrăp trong nkra, tâm pă ăp rmôt nuĭh tĭng ƀư ăp nău kan mât đăp mpăn, dŭt ngăch. Công nhân PC Dak Nông mô kă rnam mơ̆ mih, găng nar pah kan rgŭt gay rgop kơl ơm rdâk tay trong rse điện an nuĭh ƀon lan Quảng Nam./.

2 mpôl hăn kan bâh công ty điện lực Dak Lăk ndrel tŏng ăp ndeh klư ndơ dŏng,năp lĕ rngôch ndơ kan lĕ hăn kơl an n’gor Quảng Nam ndâk nkra tay trong điện lĕ khuch lôch phŭt sial  mbrô 4.

Nuĭh kan nkra điện ndâk tay jrŏng điện ta nkuăl Tiên Phước-Quảng Nam

Ăp cán bộ nuĭh kan lĕ leo ƀư dơi âk rmôt pah kan ndâk nsơm nău tât ta ăp nkuăl Tiên Phước, Phú Ninh n’hanh nkuăl ƀon têh Tam Kỳ, n’gor Quảng Nam.

Nuĭh kan nkra điện ndâk tay jrŏng điện ta nkuăl Tiên Phước-Quảng Nam

Ta ntŭk, ăp nuĭh kan lĕ rlet rlău nău jêr jŏt mpeh nkual neh, trôk nar ƀư rgâl nkra tay ăp jrŏng điện pă, chôk, drăng tay rse điện tăch, ndâk nkra tay ăp trạm biến áp...nsrôih ƀư lôch ăp nău kan geh jao an ngăch ơm.

Tây Nguyên

Nuĭh rblang: Điểu Thân