VOV4.M’nông: Rƀŏng tât nau kuăl jă bah Uỷ ban Mặt trận Tổ quốC Việt Nam nkuăl ƀon têh Hà Nội, ntŭk kan Thành uỷ Hà Nội hŏ ƀư nau rgŏ jă tâm rgop kơl an tơm prăk “Yor gôl dak, dak lêng Việt Nam” năm 2022. Đah nau ŭch rŏng ndrel nau kan yor dak lêng, gôl dak, ăp nŭih cán bộ, công chức, viên chức, nŭih pah kan bah ăp rmôt kan rgop kơl an đê̆ ngăn du nar prăk khay. Rnoh prăk bôk năp geh lah 130 rkeh. Bah năp nê, lơ 1/3, Rnâng kan Uỷ ban MTTQ Việt Nam nkuăl ƀon têh Hà Nội hŏ ntoh nau kuăl jă kơl an tơm prăk “Yor gôl dak, dak lêng” năm 2022 njoăl tât ăp ntŭk kan, rmôt kan, ntŭk ƀư nau kan tăch rgâl ndrel ƀon lan Thủ đô. Nau kan aơ gay ƀư ueh n’hâm dăng bah cán bộ, tahen ndrel ƀon lan Thủ đô rƀŏng tât gôl dak, dak lêng Việt Nam ndrel geh tay n’hâm gay kơl ndâk ăp ntŭk kan khlay, rgop nau n’hao nau rêh drăp ndơ, nuih n’hâm bah tahen ndrel ƀon lan tâm ăp nkuăl gôl dak, dak lêng bah neh dak./.

Nŭih rblang: H’Thi