Kêng măng 2/3, Thủ tướng Phạm Minh Chính ƀư tơm tâm nchră ma ăp ntŭk kan tăch rgâl Châu Âu. Tâm nar tâm nchră, ntoh măt ăp ntŭk kan ndrel rmôt kan rhơn ăp nau tă geh dơi hun hao văng sa ma Việt Nam hŏ geh tâm rơh rlau aơ, lah ntŭk ang mpeh nau hun hao văng sa lam ntur neh. Nkre lah rnê prêh ntŭk kan ntuh kơl tăch rgâl ta Việt Nam nar lơn ueh ndrel lah ntŭk tât ntuh kơl ueh tâm lam ntur neh.

Ăp ntoh măt kŏ mbơh âk nau, đă tât Chính phủ, Thủ tướng Chính phủ mpeh ăp nau kan geh tât nau hành chính, soay, trong luh lăp bar ding, mât nau blau njêng mhe, khoa học công nghệ...ndrel ŭch ntuh kơl tâm Việt Nam tâm ŭnh nar điện sial dak lêng, điện măt nar. Ntoh nau tâm rnôk nchră, Thủ tướng Phạm Minh Chính lah ueh ntŭk kan tăch rgâl bah Châu Âu hŏ uănh Việt Nam kơt ƀon tơm bah nơm gay ntuh kơl tăch rgâl. Thủ tướng ŭch ăp ntŭk kan Châu Âu lŏ ntuh kơl ta Việt Nam. Thủ tướng lah rjăp, Việt Nam mra doh rklaih ăp nau kol, pơk trong nơih gay ntŭk kan EU ntuh kơl hun hao./.