VOV4.Mnông- Ôi nar 17/2, Thủ tướng Phạm Minh Chính lĕ râng rơh rƀŭn nchră lôch bôk nău pah kan ngih dak ndâk nsơm nău tât bom mìn lôch rơh tâm lơh tâm su ta Việt Nam lvang năm 2010-2020 n’hanh mpŏng tât nău kan lvang năm 2021-2025.

Lôch 10 năm ƀư tĭng bôk nău kan, nău kan ndâk nsơm nău tât lôch rơh tâm lơh tâm su lah nsum, tâm nĕ geh ndâk nsơm nău tât bom mìn lĕ geh ƀư săk rnglăy n’hanh geh âk nău dơi khlăy. Lĕ rnoh prăk ƀư tâm 10 năm lah rlău 12 rbăn rmen prăk, tâm nĕ, tơm prăk ngih dak geh rlău 10 rbăn rmen prăk n’hanh kơl mô mplơ̆ tay bâh dak bah dih rlău 2 rbăn rmen prăk. Âk nău kan tơm kơl an hun hao wăng sa rêh jêng bâh neh dak geh rdâk njêng ta âk nkual neh lĕ geh ƀư kloh bom mìn, ndơ rtoh. Rlău 5 rbăn nuĭh geh nău tât bâh bom mìn n’hanh ăp nuĭh geh nău sôt rmanh êng lĕ geh kơl mât săm, nti nău kan, pă nău kan, kơl ndơ rong, tơm tăm gay ma hun hao wăng sa đah rnoh prăk rlău 50 rmen prăk.

Nuĭh rblang: Thị Đoắt