VOV4.M'nông: Ôi 1/8, hŏ ƀư Tâm nchră ntrŭt ntrôl ƀư âk jay kơl thuk prăk an công nhân, nuĭh geh wăng sa đêt. Lah ta rnôk tâm nchră, Thủ tướng Chính phủ Phạm Minh Chính mpơl nău: Ngoăy tâm ăp nău rvê dŭt têh bah Đảng, Ngih dak lah mât chăm nău rêh bah công nhân nuĭh kan, nuĭh wăng sa đêt n'hanh hŏ geh dŭt âk bôk nău kan an nuĭh dja, tâm nê mât chăm mpeh jay gŭ an nuĭh ƀon lan.

Tĭng Bộ trưởng Xây dựng, nău ŭch let năp tay lah ƀư âk jay kơl thuk, jay gŭ công nhân nsĭt geh wăng sa dah găp, wăng sa geh đêt. Tĭng nê, tât năm 2025 mbra ƀư lôch jêh ăp trong nchrăp kan hŏ an ƀư rdâk njêng 156.700 mblâm jay n'hanh ăp trong nchrăp dôl tĭng ƀư ntuh kơl đah rnoh âk 300.000 căn hộ; ntơm ƀư tay ăp ntŭk mhe đŏng; Tât năm 2030 ƀư lôch jêh rdâk  njêng 1 rkeh căn hộ jay kơl thuk prăk, công nhân nkual công nghiệp.

Nuĭh rblang: Điểu Thân