Kêng măng 15/11, Thủ tướng Chính phủ Phạm Minh Chính wơt Kruanh n’gâng kan Tư pháp Hungary Tuzson Bence dôl khâl, pah kan ta Việt Nam. Thủ tướng Phạm Minh Chính mĭn lah Việt Nam uănh khlay tâm boh dăch dêh way ơm n’hanh kan ndrel âk ntil uĕh lăng đah Hungary đah âk lịch sử rlău 70 năm, dăn đă 2 ding mât uĕh tâm rgâl mpôl kan gưl prêh n’hanh ăp gưl, n’hao kan ndrel ta lĕ rngôch ăp trong, ăp ntil nău, tâm nĕ geh ntil nău tư pháp.

Kruanh N’gâng kan Tư pháp Hungary mbah rhơn n’hanh nkoch nău ryơk ta năp nău hun hao, hao jêng wăng sa uĕh bah Việt Nam tâm rnôk wăng sa lam ntŭr neh dôl mâp âk jêr jŏt. Kruanh N’gâng kan mĭn lah Hungary mpŏng kan ndrel lơn tay đah Việt Nam tâm nău tư pháp, ngăn lah tâm âk nkô̆ nău Thủ tướng lĕ tâm rgâl, nkre an gĭt, Hungary mbra ntop kơl 200 nklâm prăk kơl ntĭm nti mpeh tư pháp an Việt Nam.