VOV4.M’nông – Nthoi tay bôk nău kan rơh rƀŭn tal 14, kêng măng 11/8, Ủy ban TVQH mbơh an Nghị quyết mpeh trok an ntop kơl đah nuĭh pah kan geh khuch yor srê Covid-19. Tĭng nĕ, Ủy ban TVQH tâm ban ŭch dŏng nklăp 1 rbăn 155 rmen prăk bah prăk nkrem bảo hiểm mô geh nău kan tât lôch năm 2021 gay trok an ntop kơl đah nuĭh pah kan mpeh nuĭh geh tĭng Nghị quyết. Nar ƀư tĭng trok an ntop kơl nuĭh pah kan lôch mbrơi ngăn tâm nar 10/9/2022. Nghị quyết jao Chính phủ mbơh ƀư nău kan trok an di nar n’hanh mbơh an Ủy ban TVQH jêh ƀư tĭng Nghị quyết ta rơh Rƀŭn khay 9 tât. Ntoh ngơi n’glôn jêh rơh rƀŭn tal 14, Kruanh Quốc hội Vương Đình Huệ nkoch kloh, jêh 2 nar n’gul pah kan, Ủy ban TVQH lĕ jêh 7 nău kan têh n’hanh 2 rmôt  nkô̆ nău. Đă Tổng thư ký, Chủ nhiệm Văn phòng Quốc hội, tĭng ăp nău n’glôn jêh gay an mbơh lôch jêh, ơm lôch gay mbơh an Kruanh Quốc hội ký 4 Nghị quyết.

Nuĭh rblang: Y Sưng Phê Ja