VOV4.M'nông: Ôi 13/4, ta nkual ƀon têh Kon Tum, Tổng Công ty Tân Cảng Sài Gòn (Quân chủng Hải quân) kan nsum đah Ban Tuyên giáo Tỉnh ủy Kon Tum ƀư Lễ ndơ̆ an si ƀŭt mât chăm rnăk wâl tahen ơm khĭt, nuĭh geh n'hâm suan đah cách mạng n'hanh pă an học bổng “Mpoh ang nău rŏng" năm 2022 an kon se nti geh nău rêh jêr jŏt nsan hao tâm kơt nti.

Ta rơh lễ, Tổng Công ty Tân Cảng Sài Gòn hŏ n'glêh an ndơ̆ si ƀŭt dơn mât chăm 10 rnăk wâl tahen ơm khĭt n'hanh nuĭh geh n'hâm suan đah cách mạng ta 4 nkuâl bah n'gor Kon Tum, lah: Kon Plông, Kon Rẫy, Đăk Glei n'hanh Đăk Hà. Tĭng nê, ăp khay Tổng Công ty Tân Cảng Sài Gòn ntop kơl, chop khâl ăp rnăk tâm rnôk lễ, tết đah lĕ rngôch rnoh prăk ăp năm an du rnăk geh nklăp 22 rkeh prăk n'hanh mât chăm ntơm bah khay 4/2022. Nkhêp geh rnôk dja, Tổng Công ty Tân Cảng Sài Gòn kơl ƀư 5 mblâm jay tâm rŏng ta 2 nkuâl Sa Thầy n'hanh Kon Plông ăp mblâm jay rnoh khlay 80 rkeh prăk bah tơm prăk nkrem kơl rêh jêng kon nuĭh bah Tổng Công ty; Pă an học bổng “Mpoh ang nău rŏng” năm 2022 an 10 kon se nti ta n'gor Kon Tum geh nău rêh jêr jŏt, nsan hao tâm kơt nti, ăp nklâm ndơ rnoh khlay 4 rkeh prăk./.

Nuĭh rblang: Điểu Thân