VOV4.Mnông-  Ôi nar 21/4, rơh rƀŭn nchră tal 10 bâh UBTV Quốc hội tâm rgop nău ta nău nchrăp Luật uănh khám ji, săm ji. Ntoh ngơi ta rơh rƀŭn nchră, kruanh Quốc hội Vương Đình Huệ uănh năl nău nchrăp rơh aơ lĕ geh gĭt vât, ƀư lôch âk nkô̆ nău khlăy, tâm ban kơt geh gĭt âk nău mhe ntoh luh bâh nău ngăn njrăng rdâng nuh srê mhe nơh, mpơl nău nsrôih bâh chính phủ n’hanh n’gâng kan dak si. Săm ƀŭt rhŏ nău nchrăp kan Luật tŏng nău gay ma ndơ̆ an Quốc hội an tâm rgop nău ta rơh rƀŭn nchră tal 3.

Wa Vương Đình Huệ lah na nê̆, Luật rgâl mhe rơh aơ an geh mât đăp mpăn nău ŭch mât đăp mpăn nuĭh ji, mât đăp mpăn mpôl nai dak si tâm ban kơt mbơh kloh rjăp na nê̆ nău pah kan uănh săm ji, mpơl nău kan ƀư lôch lĕ rngôch lơn nău ntrŭnh nău rêh jêng tâm nău uănh săm ji. An geh ndâk nsơm nău dŏng công nghệ, kĩ thuật mhe, ntrôl rnoh khlăy uănh săm ji hao ir đah nău dơi tâm trok bâh dŭt âk nuĭh ƀon lan.

Nuĭh rblang: Thị Đoắt