VOV4.M’nông: Lŏ rơh rƀŭn tal 10, Uỷ ban Rnâng kan Quốc hội tâm nchră ta rơh rƀŭn ntrŭnh bah Quốc hội mpeh nau rlong du đê̆ nau kan, nau kơl an hun hao n’gor Khánh Hoà. Ăp ntoh măt ân lah, hun hao Khánh Hoà mô knŭng leo nsĭt nau khlay văng sa ma hôm rgop nau mât nâp nau ƀư tơm gôl dak, dak lêng bah neh dak. Ta nar rƀŭn, ăp nŭih kan bah Uỷ ban Rnâng kan Quốc hội tâm ban nau leo nkô̆ nau nchrăp nau ntrŭnh bah Quốc hội mpeh du đê̆ nau kan, nau kơl an hun hao n’gor Khánh Hoà tâm bôk nau ndâk njêng luật, pháp lệng năm 2022. Lah geh nchră tâm rơh rƀŭn tal 3, Quốc hội gưl 15, n’gor Khánh Hoà mra dơi geh ân ƀư nau kan kơl an, kơt lah: N’hao tay rnoh prăk ân manh, geh tơm prăk Trung ương ntop geh nkô̆ ntơm bah rnoh hao geh, nkuăl geh nau ntrŭnh ƀư nau rgum nsum ntŭk ƀư kan, nau ntrŭnh ntrơn rgâl nkô̆ nau dŏng neh tăm ban tâm dâng 500 ha, ntrơn rgâl tăm bri tâm dâng 1000 ha tĭng nau đă bah Thủ tướng Chính phủ./.

Nŭih rblang: H’Thi