Nthoi tay rơh hop đah 2 tơ̆ bah rơh hop tâl 6, nar aơ (16/11) Ủy ban Thường vụ Quốc hội an nău rgop âk tâm nkô̆ khlay. Tâm nê geh mbơh rblang, nkah djăt, rgâl di trong nchrăp Luật neh ntu (rgâl nkra) n’hanh trong nchrăp Luật Jay gŭ (rgâl nkra). Tâm nar 3/11 mhe aơ, Quốc hội hŏ rong an du nar tâm nchră ta hội trường mpeh du đêt nkô̆ hôm êng êng bah trong nchrăp Luật neh ntu (rgâl nkra).

Tĭng nău nchrăp, Quốc hội  mbra ŭanh an dŏng Luật neh ntu (rgâl nkra) ta rơh hop tâl 6. Yơn lah, Chủ nhiệm Ủy ban Kinh tế bah Quốc hội Vũ Hồng Thanh an gĭt, tĭng ƀư trong Luật hôm 21 nkô̆ nău hôm êng êng, dăn nău rgop bah Quốc hội. âk đại biểu lah rjăp, aơ lah trong nchrăp luật dŭt khlay, ân mĭn uănh di tay na nê̆ rnôk n’gluh an dŏng. Lơn lah quy định mpeh sŏk mplơ̆ neh an dŏng an nău kan neh dak, an nsum mpôl; mpeh nău dơi tăch rgâl neh tuch tăm, lơn lah neh tăm ba; mpeh nău dơi n’hanh nău way mpeh nău dŏng neh bah nuĭh Việt Nam gŭ rêh ta dak bah dih; mô lah trong ƀư năl rnoh khlay neh./.