VOV4.M’nông – Nthoi tay rơh rƀŭn tal 16, kêng măng 11/10, an rgop ăp nău mbơh wăng sa-rêh jêng n’hanh prăk kaih ngih dak, Ủy ban TVQH đă ƀư kloh đah rnoh tăch mô tâm di, rnoh rwăt khlay lơn rnoh tăch ƀư âk doanh nghiệp tăch pring, xăng roh dơm n’hanh ntĭl mpông. Nkre ƀĭt mkra rnoh khlay pring xăng; uănh nđôi rnoh khlay ăp ndơ dŏng, yor tâm rnôk pring xăng thuk, âk ntil ndơ hôm e ta rnoh khlay. Tâm kêng măng nđaơ 11/10, an rgop mpeh nău mbơh bah Chính phủ mpeh săk rnglăy ƀư tĭng Bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk lvang 2021-2030, Ủy ban TVQH đă ơm jêh trong mkra tâm pă lĕ rnoh prăk ntuh kơl hun hao tơm prăk trung ương lvang 2021-2025 hôm ƀa ƀă; geh trong ƀư tâm rgop nău kơl, rgum tay tơm prăk đah ăp bôk nău kan rƀŏng tĭng lam dak, đăp mpăn săk rnglăy prăk ntuh kơl.

VOV.VN/Nuĭh rblang: Y Sưng Phê Ja