VOV4.M’nông-  Pă dăp na nê̆ kloh rjăp tơm prăk ngih dak bâh Việt Nam hao 9 dăp đah rơh uănh nđôi ta năp nĕ, dâk tal 68 tâ rnoh 120 dak geh uănh rnê. Aơ lah nău mbơh dŭt mât uănh, an saơ nău nsrôih bâh Việt Nam tâm nău n’hao mbơh kloh rjăp tơm prăk ngih dak. Tĭng nău geh uănh nđôi tơm prăk ngih dak lam ntur neh năm 2021, rnoh mbrô nău kan đah pe jrŏng kan tơm khlăy geh âk njoat mhe n’hanh lĕ geh hao đah rơh uănh nđôi ba năp, geh rnoh 44/100 điểm đah jrŏng kơp kloh rjăp tơm prăk, 17/100 điểm đah jrŏng kơp nău tât râng bâh ƀon lan, n’hanh 80/100 điểm đah jrŏng kơp uănh nđôi tơm prăk ngih dak (ăp jrŏng kơp lĕ geh hao 6 điểm đah năm 2019). Nău ntoh lư bâh Việt Nam lah rgâl mhe rnoh mbrô mpeh nău jrŏng kơp tât râng bâh ƀon lan, geh 17/100, âk lơn nău geh ta lam ntur neh lah 14/100. N’gâng kan tơm prăk an gĭt, tâm let năp tay, mbra geh ƀư tĭng ueh tay nău kan mbơh tơih kloh rjăp tơm prăk ngih dak.

Nuĭh rblang: Thị Đoắt