N’gul bôk năm aơ, wăng sa n’gor Dak Nông hun hao rlău 5%, dâk tâl bar nkual Tây Nguyên, yơn mô hŏ tât trong nchrăp n’hanh mô hŏ nâp dăng ơm tă bah nsing lơn âk tâm nău kan tuch tăm. 6 khay bôk năm 2024, lĕ rngôch ndơ geh ƀư ta Dak Nông nchroh geh rlău 9.555 rmen prăk, hao rlău 5% rđĭl đah ndrel khay dja năm bah năp nơh, dâk tâl 2 nkual Tây Nguyên (bah kơi n’gor Kon Tum).

Tĭng Cục thống kê n’gor Dak Nông, wăng sa geh nău hun hao uĕh lơn âk nơm tâm trong kan tuch tăm hao âk, rnoh khlay ndơ tuch tăm tơm cà phê, tiêu, sầu riêng, phe ba hao âk, rnoh geh điều hao rlău  bar tơ̆, mât rong sŭr rơ̆ jêng tay…. Tâm rnôk nê, ăp jêr jŏt mpeh trôk nar, pring xăng,  rnoh khlay tơm ndơ nkret nêng,.. mbra khuch tât âk trong wăng sa bah n’gor tâm let năp tay.