Tĭng Nar ntŭk gŭ rêh lam ntŭr neh 5/6, âk n’gor tâm nkual Tây Nguyên hŏ ƀư Lễ rgŏ jă  Tết tăm si mbro mbrăng nkah gĭt Wa Hồ. ôi 5/6, lah ta rơh Lễ rgŏ jă, kruanh rđău kan Kon Tum lah rjăp nkô̆ khlay bah “Tết tăm si mbro mbrăng nkah gĭt wa Hồ” tâm nău mât njrăng ntŭk gŭ rêh n’hanh nău tam ngăn ngăn ma tơm si nsĭt tay an nău rêh; nkre kuăl jă nuĭh ƀon lan nsrôih tăm chrai tơm si n’hanh tăm bri, rgop sĭt jêng tay neh, njrăng n’gang duh phang n’hanh choih ntang kơt nkô̆ bah Nar ntŭk gŭ rêh lam ntŭr neh 5/6 năm aơ. Lôch rơh rgŏ jă, ndrel đah tăm chrai tơm si, n’gor Kon Tum an tăm 3.000 ha bri. Tâm nê UBND 10 nkuâl, nkual ƀon têh bah n’gor ntop kơl nuĭh ƀon lan tăm bơi 2.800 héc ta n’hanh rlău 200ha tă bah ăp đơn vị tơm bri dơn ƀư.  

Ôi 5/6, ta nkual ƀon têh Buôn Ma Thuột, n’gor Dak Lak geh nau rgŏ jă “tết tăm tơm si mbro mbrăng nkah gĭt Wa Hồ”. Aơ lah nau kan rƀŏng nkah 120 năm nar ndâk n’gor Dak Lak, rgop nau ƀư ueh nau kan “Tăm du rmen tơm si’ yor Chính phủ rgŏ jă. Tâm ăp năm ma aơ, ăp n’gâng kan, ntŭk kan, nkuăl, rmôt kan ndrel ƀon lan n’gor Dak Lak ƀư tĭng, râng tăm tơm si, tăm bri ndrel mât njrăng bri.

Năm 2023, lam n’gor tăm geh 4.500 ha bri, geh rlau 252% nau nchrăp kan. Tâm nkuăl ƀon têh Buôn Ma Thuột lah ngoai tâm ăp đô thị geh rnoh tơm si âk ngăn lam dak. Tâm nau rgŏ jă tết tăm tơm si, ôi 5/6 ăp ntoh măt ndrel ƀon lan tăm ma rhianưg tơm khuăr njok trong Võ Nguyên Giáp. Jêh rgŏ jă, mra geh 5000 tơm si tăm tâm ăp xã, phường bah nkuăl ƀon têh.