Nău mbơh aơ lĕ geh mbơh ta rơh rƀŭn nchră mpeh nău kan mât uănh, mât bri yor UBND n’gor Dak Lak ƀư ôi lơ 4/4.

UBND n’gor Dak Lăk uănh năl, nău kan geh saơ, tâm rdâng, rmal ăp nău ƀư tih mpeh luật mât bri hôm nha geh âk nău mô dơi. Nău sŏk dŏng, tăch rgâl, nchoăn rdeng si mô tâm di, run in, n’hanh run tay neh tăm bri hôm nha geh dŭt âk. Nău nuĭh ƀon lan hăn ntrơn du ăp ntŭk lăp muih kăl bri, run in neh bri ta lĕ rngôch ăp ntŭk hôm âk. Săk rnglăy mbơh tơih, ntĭm nti, njrăng nău geh bâh pháp luật mpeh mât bri kơt lah mô geh ƀư ta âk ntŭk. Tâm nĕ, âk nuĭh tơm mât bri mbra mô dơi mât bri rnôk mpôl kan way kan mât bri rlu lĕ rngôch.