Ôi 12-7, Hội Liên hiệp bu ur n’gor Dak Lak ƀư bôk nău kan “Tâm nđŭr trong blău nkoch trêng mpeh mpeh tâm ban bu ur bu klô,  ntlơi bah mưch bu ur n’hanh njrăng, n’gang tâm lah tâm janh rnăk wâl”. Râng bôk nău kan geh 140 nuĭh, mpeh 14 rmôt tâm rlong tât bah ăp nkuâl n’hanh thị xã Buôn Hồ. ăp rmôt rlău 3 gâl tâm rlong lah: mbah ôp, ƀư jêng sân khấu n’hanh nchreng an uănh ndơ nsoh.

Lôch ăp gâl tâm rlong, đah nău nchrăp na nê̆ ma ăp trong ƀư mpơl nău blău mhe, uĕh êng ăp rmôt hŏ tât nkoch mbơh ăp nău lư mpeh rmôt he, nkoch âk nău gĭt pháp luật mpeh tâm ban bu ur bu klô, njrăng n’gang tâm lah tâm janh rnăk wâl. Nkre nchreng an uănh uĕh ăp ndơ nsoh, ndjôt săk tơm văn hóa bah rnoi nuĭh he. Dơi gĭt, tâm bah ri aơ nơh, Hội Liên hiệp bu ur n’gor Dak Lak hŏ rdâk njêng bơi 400 trong ntĭt leo nkoch trêng, ntop kơl n’hao nău gĭt êng, nău dơi kan mpeh tâm ban bu ur bu klô ta ƀon lan.