VOV4.M’nông – Ôi 20/9, Mpôl pah kan bah Ban ntĭm rđău Trung ương mpeh njrăng n’gang sa khâm, sa ƀer yor Đại tướng Tô Lâm, Ủy viên Bộ Chính trị, Kruanh N’gâng kan Công an, Groi kruanh Ban ntĭm rđău Trung ương mpeh njrăng n’gang sa khâm sa ƀer ƀư kruanh rmôt kan lĕ geh nar pah kan đah N’gor ủy Dak Lak mpeh nkô̆ nău mbơh dự thảo mbơh ăp nău uănh nđôi bah mpôl uănh nđôi mrô 4 ta Ban thường vụ N’gor ủy Dak Lak. Tĭng dự thảo nău mbơh ăp jêh uănh nđôi bah mpôl uănh nđôi ăp năm, Ban thường vụ N’gor ủy Dak Lak an da dê n’hanh ƀư tĭng trong nchrăp uănh nđôi nău phong uănh nđôi, rmal ăp nău tih, nău sa khâm, wăng sa, nu nău tih jêr, lư kon nuĭh uănh tât n’hanh kơp uănh tay ăp nău uănh nđôi mpeh wăng sa-rêh jêng ta du đêt ntŭk, ntŭk kan n’hanh tâm rgop nkô̆ nău aơ tâm rnôk ƀư tĭng ăp nău ntrŭnh têh bah Đảng n’hanh pháp luật bah Ngih dak đah trong kan njrăng n’gang sa khâm, sa ƀer.

Wa Nguyễn Xuân Trường, Vụ trưởng Vụ địa phương Ban Nội chính Trung ương ndơn măt mpôl pah kan mbơh dự thảo jêh uănh nđôi.

N’glôn jêh nar pah kan, Đại tướng Tô Lâm, Ủy viên Bộ chính trị, Kruanh n’gâng kan Công an, Groi kruanh Ban ntĭm rđău Trung ương mpeh njrăng n’gang sa khâm sa ƀer đă: Ban Thường vụ N’gor ủy Dak Lak ntĭm rđău ăp gưl ủy, n’gâng kan ƀon lan, ăp đảng bộ, nău ntrŭnh bah Đảng n’hanh pháp luật bah ngih dak, kơt bah N’gor ủy n’hanh Ban thường vụ n’gor ủy, UBND n’gor mpeh trong kan njrăng n’gang sa khâm, sa ƀer. N’hao trong kan uănh nđôi, groi uănh kơt uănh nđôi êng bah Ban Thường vụ N’gor ủy, ăp gưl ủy, rmôt đảng đah trong kan njrăng n’gang sa khâm, sa ƀer lah nsum, trong kan wơt dơn, mkra nău phong, nău mbơh mpeh nău tih n’hanh dăn đă phong lah êng.

Đại tướng Tô Lâm, Ủy viên Bộ chính trị, Kruanh n’gâng kan Công an, Groi Ban ntĭm rđău mpeh njrăng n’gang sa khâm, sa ƀer ntoh ngơi n’glôn jêh.

N’hao uĕh uănh nđôi, uănh nđôi êng, dăn đă mkra rmal rjăp ăp nău mô hŏ dơi ƀư. Nkre, Ban Thường vụ N’gor ủy Dak Lak mĭn êng ndâk njêng trong nchrăp mkra ăp nău hôm e, mô hŏ dơi ƀư n’hanh ƀư tŏng ăp nău đă lĕ nkoch tâm nău mbơh jêh uănh nđôi bah Mpôl uănh nđôi mrô 4, mbơh an Ban ntĭm rđău Trung ương mpeh njrăn n’gang sa khâm, sa ƀer tĭng nău ntrŭnh. Êng đah n’gor Dak Lak, Ban Thường vụ N’gor ủy an uănh mĭn âk lơn tâm nău ntĭm rđău, ƀĭt joet ăp ngih pah kan dơi kan saơ ơm ăp nău mbơh mpeh nău tih tâm nău mât uănh neh ntu, bri dak, mât njrăng bri.

Nuĭh rblang: Y Sưng Phê Ja