Ta năp Tết Nguyên đán Ất Tỵ 2025, rnoh năch bah Dak Lak hăn ăp n’gor miền Trung n’hanh mpeh Bắc dôl hao ndal, rnoh vé lĕ hao rlău n’gul. Jay ndeh tâm n’gor Dak Lak aƀaơ dôl ký ton tâm pă 180 bôk ndeh bah 35 doanh nghiệp nchoăn rdêng, hăn rlău 24 trong hăn ăp n’gor miền Trung n’hanh mpeh Bắc.

Ntơm bah khay 12/2024, ntŭk kan lĕ đă lĕ rngôch ăp doanh nghiệp tơm ký ton ƀư nchoăn rdêng năch n’hanh ndoh ndơ tĭng di nău ntrŭnh bah ăp N’gâng kan ntung trong nchoăn rdêng n’hanh prăk kaih. Na nê̆, đah ăp trong Dak Lak hăn ăp n’gor bah Nghệ An plơ̆ sĭt, rnoh vé n’hanh ndơ hao mô rlău 50%; ăp trong kơp bah n’gor Hà Tĩnh let lơ, rnoh hao mô rlău 40%. Nar kơt dŏng bah lơ 17/1-10/2/2025 (jêng lơ 18 khay chạp tât 12 khay ngoăy âm lịch).