Tổng Bí thư Tô Lâm leo tơm n’hanh geh nău ntoh ngơi ntơm pơk khlăy ta rơh rƀŭn nchră. Tổng Bí thư Tô Lâm an gĭt ta rơh rƀŭn nchră aơ, Trung ương tâm nchră an nău tâm rgop nău đah 5 nkô̆ nău, tâm nĕ geh 3 rmôt kan khlăy lah: Nglôch lôch Nghị quyết 18 bâh Trung ương mpeh rgâl mhe, pă dăp nău  leo kan bâh trong kan chính trị an kloh ueh dơh nơih, pah kan geh săk tam, săk rnglăy. nău kan ntop an nkô̆ mpong ŭcyh hun hao GDP năm 2025 bâh 8% let lơ, nău kan cán bộ tĭng nău dơi bâh Trung ương, mbơh tơih nău kiểm điểm ntim đă, leo kan bâh n’gâng kan chính trị, Ban bí thư tâm năm 2024, mbơh tơih mpeh nău kan uănh nđôi, uănh năl năm 2024 n’hanh bôk nău kan uănh nđôi uănh năl ta năm 2025. Mpeh nău nglôch lôch Nghị quyết 18, Tổng Bí thư Tô Lâm lah na nê̆ aơ lah nkô̆ nău khlăy ngăn bâh rơh rƀŭn nchră aơ. N’gâng kan chính trị, Ban Bí thư lĕ ntĭm đă dŭt răng dăng ngăch ndăn mbơh tơih nglôch lôch Nghị quyết 18 n’hanh pă dăp nău kan leo kan máy ta nău nkre nchoăt nkre ma kâp, mô kâp an geh ƀư lôch ueh yơn mô geh ndăn, mât đăp mpăn di tĭng nău ntrŭnh bâh Đảng, nău ntrŭnh, nău way, trong mpŏng kan ntĭm đă bâh Trung ương.