Nkhêp di wơt Tết way ơm Ất Tỵ 2025, Kruanh dak Lương Cương, Kruanh Hội đồng Mât njrăng bri dak n’hanh rnă njrăng, Kruanh rmôt vũ trang nhân dân lĕ khâl, mbah rhơn Tết Bộ Tư lệnh Cảnh sát cơ động (N’gâng kan Công an). Năm 2024, Bộ Tư lệnh Cánh sát cơ động lĕ ƀư uĕh trong kan tâm ôp tâm nchră đah Đảng, Ngih dak, Đảng ủy Công an Trung ương, kruanh N’gâng kan Công an mpeh trong kan vũ trang mât uănh rnă njrăng ngih dak, đăp mpăn nău rêh jêng, mât njrăng đăp mpăn ăp nău rƀŏng, ăp nău khlay bah neh dak; ăp mpôl năch dak bah dih tât khâl n’hanh pah kan ta Việt Nam.

Kruanh dak nkoch kloh, năm 2025 lah năm geh nkô̆ nău khlay, lah năm ƀư đại hội đảng bộ ăp gưl rƀŏng tât Đại hội 14 bah Đảng n’hanh ăp nău khlay chính trị, văn hóa khlay bah neh dak. Yor nê, đă, nău kan bah rmôt Cảnh sát cơ động tâm năm 2025 n’hanh ăp năm bah năp tay dŭt mbăn. Gay tâm di nău kan tâm nu nău mhe, Kruanh dak đă rmôt Cảnh sát cơ động mĭn njêng tay, mât uănh jru, mbơh ƀư săk rnglăy ăp nău ntrŭnh, trong hăn bah Đảng, nău kơl, pháp luật bah Ngih dak mpeh đăp mpăn rnă njrăng ngih dak, mât đăp mpăn nău rêh jêng n’hanh ndâk njêng rmôt tahen tâm nu nău mhe.