VOV4.M'nông: Ôi (19/9), Mpôl hăn ôp uănh mbrô 4 bah Ƀan rđău đă Trung ương mpeh njrăng n'gang, sa khâm, tă bah Đại tướng Tô Lâm-Uỷ viên Bộ Chính trị, Bộ trưởng Bộ Công an, Groi kruanh Ban rđău đă, leo mpôl hăn hŏ geh rơh pah kan đah Ban Thường vụ Tỉnh uỷ Gia Lai gay mbơh lôch jêh ôp ŭanh pah kan njrăng, n'gang sa khâm, tih djơh ta n'gor.

N'glôch jêh rơh pah kan, Đại tướng Tô Lâm đă, Ban Thường vụ Tỉnh ủy Gia Lai n'hao dăng tay rđău kan, gay n'hao nău gĭt êng, nău dơn kan bah ăp gưl ủy, n'gâng kan ta n'gor tâm nău ban saơ, dơn nkra nău lah phong, tăng mbơh nău lư, đă lah phong ăp nău tih geh mpơl mpeh sa khâm, wăng sa, tih djơh. Đại tướng Tô Lâm đă n'gor Gia Lai ân êng uănh khlay lơn tât nău rđău đă, nchŏng đă ăp nhih pah kan dơi kan ơm ban saơ ăp tơm nău lư mpeh nuĭh tih tâm  trong kan mât ŭanh neh ntu, mât njrăng bri, rmal lhăt ăp nuĭh, ăp mpôl geh nău tih, nkre geh nău tam rđăp, nkah rngăl, njrăng, n'gang nking nchăng nău tih ta n'gor./.

Nuĭh rblang: Điểu Thân