Nkhêp nkah ndray 99 năm Nar Báo chí Cách mạng Việt Nam, ôi 19/6, Công an n’gor Dak Lak ƀư mâp măt báo chí. Tĭng Công an n’gor Dak Lak, tâm n’gul bôk năm 2024, nuĭh tih đăp mpăn lam rêh jêng kon nuĭh ta n’gor geh 489 tơ̆, hŭch  3 tơ̆; tâm tom ndeh  geh 208 tơ̆, hŭch 15 tơ̆, hŭch 21 nuĭh rmanh rđĭl đah ndrel khay dja năm e nơh.

 Tâm n’gul bôk năm đŏng, Công an Dak Lak ban saơ ôp uănh 295 tơ̆ nău tih mpeh sa khâm, wăng sa; lah phong ôp uănh 12 tơ̆ nuĭh tih dŏng công nghệ mhe... Tĭng Thiếu tướng Lê Vinh Quy, Giám đốc Công an n’gor Dak Lak, nău dơi mhe nkoch bah lơ nê geh nău rgop uĕh, geh nău tam bah báo chí, rnôk way nkoch mbro, nkoch trêng trong nchrăp, gung trong bah Đảng, trong kơl, pháp luật bah Ngih dak; nkoch trêng mpeh pah kan mât đăp mpăn, rnă njrăng n’hanh rdâk njêng  mpôl Công an ƀon lan… bah nău lư báo chí, kônh wa n’hao nău gĭt nkah njrăng lor n’hanh gĭt wât pháp luật, nsrôih râng trong leo ƀư lam ƀon lan mât rnă njrăng neh dak.