Ôi 18/12, ta Gia Lai lĕ ƀư an Huân chương Mât njrăng Bri dak hạng 3 an đồng chí Thái Đại Ngọc, Ủy viên Ban Chấp hành Trung ương Đảng, Bí thư N’gor ủy Gia Lai, tă ƀư Groi Tổng Tham mưu trưởng Tahen ƀon lan Việt Nam.

Tĭng nău ntrŭnh bah Kruanh dak, đồng chí Thái Đại Ngọc dơi an Huân chương yor lĕ geh âk nău kan têh tâm trong kan tiăr nti, nchrăp njrăng n’gang, ndâk njêng rmôt Tahen ƀon lan, nâp nâl mâp njrăng bri dak, rgop khlay tâm nău kan ndâk njêng n’hanh mât njrăng bri dak. Ntoh ngơi ta nar ƀư, Thượng thướng Huỳnh Chiến Thắng, Groi Tổng tham mưu Trưởng Tahen ƀon lan Việt Nam mĭn lah, ta nău ƀư pah kan mhe, đồng chí Thái Đại Ngọc mât uĕh tay nău rêh nuĭh cán bộ tahen, nuih n’hâm lĕ đah nău kan âk, ndrel rmôt Ban Thường vụ N’gor ủy Gia Lai kruanh, ƀĭt joet ƀư săk rnglăy ăp nău kan chính trị. Nkre, uănh khlay ndâk njêng Đảng bộ kloh uĕh, nâp nâl, ntrôl hun hao wăng sa rêh jêng.