Mpôl pah kan bah Tỉnh ủy, Hội đồng nhân dân, Ủy ban nhân dân, Ủy ban Mặt trận Tổ quốc Việt Nam n’gor Lâm Đồng tă bah wa Y Thanh Hà Niê Kđăm- Bí thư Tỉnh ủy hŏ tât khâl, mbah rhơn Tết ta Đặc khu Phú Quý. Ta rơh hăn khâl, Bí thư Tỉnh ủy Lâm Đồng mbơh lư mpeh lôch jêh Đại hội đại biểu lam dak tâl XIV bah Đảng, ăp nău dơn kan rgum tơm, têh jong gay ơm ndơ̆ Nghị quyết Đại hội XIV lăp tâm nău rêh.

Wa Y Thanh Hà Niê Kđăm  rnê âk ăp nău nsrôih bah Đảng bộ, n’gâng kan n’hanh ƀon lan Đặc khu Phú Quý tâm hun hao wăng sa- rêh jêng kon nuĭh nkre đah mât nâp njrăng n’gang neh dak – rnă njrăng, ƀư tơm dak lêng gôl dak; nkre njuăl nău mbah rhơn năm mhe tât lĕ rngôch cán bộ, đảng viên, tahen n’hanh ƀon lan ta gôl dak. Nkhêp geh rnôk dja, mpôl pah kan hŏ ndơ̆ kơl 67 nklâm ndơ Tết an Đảng ủy, HĐND, UBND, Ủy ban MTTQ Việt Nam Đặc khu Phú Quý, ndrel ăp mpôl dôl pah kan ta ntŭk. Lôch nê, mpôl pah kan tât khâl, mbah rhơn Tết Pôih n’har bri mpông n’har bri Cảng Phú Quý; ndơ̆ kơl ndơ, rgŏ jă cán bộ, tahen, dăn an pôih n’har bri lôch jêh uĕh nău kan mât njrăng nâp ƀư tơm, rnă njrăng nkual dak lêng, gôl dak tâm rnôk Tết Nguyên đán Bính Ngọ 2026.