Ôi lơ 6/10, ta nkuăl ƀon têh Kon Tum, Đảng uỷ, N’gâng kan rđau kan Biên phòng n’gor Kon Tum ƀư nau nkah 60 năm Nar vay ơm tahen Biên phòng n’gor (8/10/1963-8/10/2023). Geh nau kan mât nkuăl n’har bri bah neh dak jong rlau 292 km tâm dăch ma dak Lào ndrel Campuchia, rmôt tahen Biên phòng Kon Tum nchrăp ƀư ăp nau kan gay mât nâp nau geh dơi bah nkual n’har bri, neh, mât rjăp njrăng ăp nŭih ndrel lơh ân geh săk tam đah âk phung tuh dôih, njrăng rdâng ăp nau tih nau ntrŭnh bah nkuăl n’har bri, nau tih pháp luật.

Rơh tât, gay ƀư ueh nau kan ndâk njêng, mât nâp nkuăl n’har bri, nkuăl neh, mât nâp đăp mpăn neh dak ndrel đăp mpăn chính trị tâm âk nau tât, Thiếu tướng Nguyễn Hoài Pưuơng, Groi Rđau kan Tahen Biên phòng Việt Nam lah rjăp, lam ăp cán bộ tahen Biên phòng n’gor Kon Tum n’hao nau mât Ngih dak đah nkuăl n’har bri bah neh dak. N’hao nau tâm nchră đah trong n’har dak ba dih đah rmôt mât nkuăl n’har bri bah neh dak đah Lào, Campuchia ndâk nkuăl n’har bri đăp mpăn, tâm boh ndrel hun hao./.