Nar 15/5, Đảng uỷ Công an Trung ương ƀư tâm nchră sơ kết 3 năm tĭng ƀư nău n’glôch jêh mbrô 01 bah Bộ Chính trị mpeh  tĭng ƀư tay nău ntrŭnh bah Bộ Chính trị mpeh “Ntrôl dăng kơt nti n’hanh ƀư tĭng nău mĭn, nuih n’hâm uĕh lŏng, trong gŭ rêh Hồ Chí Minh.

Pe năm aơ, gưl  uỷ, kruanh rđău kan Công an ăp gưl hŏ gĭt êng jru, ăp tŏng lơn mpeh nkô̆ khlay bah nău kơt nti n’hanh ƀư tĭng nău mĭn, nuih n’hâm uĕh lŏng, trong gŭ  rêh Hồ Chí Minh n’hanh prao nkô̆ Wa Hồ ntĭm đah pah kan rdâk Đảng, rdâk njêng mpôl Công an ƀon lan. Lah n’glôch jêh tâm nchră, Đại tướng Tô Lâm - Bộ trưởng Bộ Công an dăn đă gưl uỷ, kruanh rđău kan Công an ăp gưl ân ƀư jăp tay ăp rơh sinh hoạt chính trị kơt nti, ƀư tĭng nău mĭn, nuih n’hâm uĕh lŏng, trong gŭ rêh Hồ Chí Minh n’hanh prao nkô̆ Wa Hồ ntĭm; đăm jru, tĭng ƀư geh nău tam nău rđău đă bah Tổng Bí thư Nguyễn Phú Trọng mpeh pe nkô̆ nău glo tơm khlay lah “kơt nti”, “nsrôih tĭng ƀư, kơt tĭng” n’hanh “leo hăn lor bôk năp” tâm nău kơt nti, tĭng ƀư prao nkô̆ Wa Hồ ntĭm n’hanh tâm pah kan rdâk njêng, rmăn glêh tam Đảng tĭng nuih n’hâm mô êl rgel, ƀư mbro, rôih sŏng, ăp rnôk, ăp ntŭk, ăp nău jêr jŏt.