Nar ntri (18/3), ta Hà Nội, Thượng tướng Lương Tam Quang, Ủy viên Trung ương Đảng, Thứ trưởng Bộ Công an hŏ wơt Mpôl doanh nghiệp gưl têh Hội đồng tăch rgâl Hoa Kỳ - ASEAN (USABC) dôl geh hăn khâl, pah kan ta Việt Nam.

Ta rơh wơt, Thứ trưởng Lương Tam Quang lah rjăp, Việt Nam way uănh Hoa Kỳ lah dak tâm boh săk geh têh mpeh kỹ thuật, khoa học - công nghệ n’hanh ŭch rŏng pơk hvi n’hanh ntrŭt ntrôl tâm boh ngăn ngăn, geh nău tam đah Hoa Kỳ tâm ăp trong kan săk geh âk. Tâm let năp tay, gay ntrŭt ntrôl tâm boh wăng sa,  tăch rgâl, ntuh kơl tâm di đah trong hun hao bah tâm boh bar dak, USABC dăn đă Chính phủ Việt Nam lah nsum n’hanh  Bộ Công an lah êng mbra uănh khlay tay, nta trong dơh an ăp doanh nghiệp Hoa Kỳ ntuh kơl đăp  mpăn, jŏ jong ta Việt Nam. Ăp doanh nghiệp lăp kan nsum bah USABC ton mbra ntop kơl Việt Nam tĭng ƀư ăp  rnoh tât hun hao, lơn lah nău ŭch rgâl mbrô, rdâk njêng wăng sa mbrô, nău rêh jêng kon nuĭh mbrô, n’hao dăng rnă njrăng mạng, đăp  mpăn rtoh ŭnh sa./.