Ôi lơ 8/7, ta nkuăl ƀon têh Hồ Chí Minh, Kruanh n’gâng kan Nội vụ Phạm Thị Thanh Trà ƀư tơm nar rƀŭn bah Bộ Nội vụ đah ăp n’gor lôch 6 khay bôk năm, ntrŭnh nau kan tâm 6 khay dŭt năm 2024. Tâm nar rƀŭn, rđau kan Sở Nội vụ bah âk n’gor tâm lam dak rnê prêh nau rđau đă bah N’gâng kan tâm nau kan tơm, ngăn lah nau dăp rgum nau kan gưl nkuăl, gưl xã. Ngăn lah, âk nkuăl tâm nau dăp rgum uănh khlay nau sŏk nau rgop ƀon lan mpeh săk ntơ ntŭk kan hành chính mhe ri ndơn geh nau tâm di nuih.

Rnôk aơ geh 85/53 ntŭk kan bơi jêh bôk nau kan. Lam ntŭk kan nội vụ dôl lŏ mât tâm dăch nau ntrŭnh bah Đảng tâm nau dăp rgum nau kan bah ăp rmôt kan ndâk njêng bah ăp n’gâng kan, ntŭk kan n’gor. Tâm năm hôm e, Kruanh n’gâng kan Phạm Thị Thanh Trà đă rgum ngăn ân nau kan têh lah dăp rgum ntŭk kan hành chính gưl xã, lah nkuăl mô geh nau dơi jêh ri ndơn nau tih bah năp Trung ương, nchâp đă tâm năm 2024 ân jêh./.